Աշակերտական խորհուրդ

Ս/թ հոկտեմբերի 3-ին հ.64 հիմնական դպրոցում կայացավ աշակերտական խորհրդի նախագահի ընտրությունը: Աշակերտական խորհրդի նախագահ ընտրվեց Մարտիրոսյան Լիլիթը: Նորընտիր աշակերտական խորհրդի նախագահին մաղթում ենք ծրագրերի իրականացում:

 

 

 

 

 

Գիտաժողով

Հոկտեմբերի 1-ին տեղի ունեցավ Մայր Աթոռ Ս.Էջմիածնի ՔԴԿ-ի ՀԱԸ և Երևանի քաղաքապետարանի հանրակրթության վարչության համագործակցությամբ կազմակերպված Աստվածաշնչյան գիտելիքների ամփոփիչ փուլը: Մրցանակաբաշխությանը ներկա էին <<Սուրբ գիրքը փոփոխվող աշխարհում>> գիտաժողովի մասնակիցները, Երևանի քաղաքապետարանի հանրակրթության վարչության պետ Ա. Ստեփանյանը, Աստվածաշնչյան ընկերության ղեկավարներ և աշխատակիցներ, մասնակից դպրոցների տնօրեններ և ուսուցիչներ:
Մեր դպրոցի աշակերտները պատվով մասնակցեցին եզրափակիչ փուլին, ստացան պատվոգրեր և խրախուսական

մրցանակներ:

 

 

 

ՀՀ

 

 

Այսօր հ. 64 հիմնական դպրոցում թևածում էր հայրենասիրական ոգին: Ամբողջ դպրոցը մեծ ոգևորությամբ նշեց Հայաստանի Հանրապետության անկախության 27- ամյակը:
1-ին դասարանի աշակերտները մասնակցեցին <<Անկախությունն իմ աչքերով>> խորագրով կավճանկարչության մրցույթին, որին հաջորդեց գեղեցիկ միջոցառումը՝ համեմված հայրենասիրական երգ ու պարով:

 

 

Շաբաթօրյակ

Սեպտեմբերի 8-ին հ. 64 հիմանական դպրոցի բակը լի էր աշխույժ տրամադրությամբ: Համաքաղաքային շաբաթօրյակի շրջանակներում կազմակերպվեցին և իրականացվեցին դպրոցի և հարակից տարածքի մաքրման աշխատանքներ, որին հաջորդեց երգն ու երաժշտությունը, պարն ու խաղային մրցույթները:

 

 

2018-2019ՈՒՍՏԱՐԻ ՍԵՊՏԵՄԲԵՐԻ 1

Սիրելի աշակերտներ, մանկավարժներ, կրթության բնագավառի ներկայացուցիչներ.
Շնորհավորում ենք Ձեզ սեպտեմբերի 1-ի` Գիտելիքի, գրի և դպրության օրվա առթիվ, հաջողություն ենք մաղթում Ձեզ ուսումնառության, ազգային կրթության ու հայեցի դաստիարակության հայրենանվեր գործում։
Նոր ուսումնական տարին պարտավորեցնող է բոլորիս համար, որովհետև կրթության բնագավառում իրականացվող բարեփոխումների հաջողությունը կախված է յուրաքանչյուրիս հետևողական աշխատանքից ու նվիրումից:
Մաղթում ենք բոլորին արգասաբեր ուսումնական տարի և ձեռնարկված քայլերն իրագործելու հաջողություն:

Հայոց բանակ

29.01.2018թ. հ.64 հիմնական դպրոցում կայացավ միջոցառում՝ նվիրված Հայոց Բանակի ստեղծման 26-ամյակին: Աշակերտները մեծ խանդավառությամբ և նվիրվածությամբ ներկայացրեցին հայրենասիրական երգեր, արտասանեցին և բեմադրեցին տարբեր դրվագներ:
Միջոցառմանը ներկա էին արցախյան պատերազմի արհավիրքն ապրած, նաև ապրիլյան քառօրյային մասնակցած երկրապահ կամավորական ջոկատի ազատամարտիկներ և N զորամասի փոխգնդապետ Արտակ Խումարյանը, որոնք հուզված և հիացած էին ապագա զինվորների անկոտրում ոգով: